Modern Engineering Bureau of Azerbaijan

“Modern Engineering Bureau of Azerbaijan” (“MEBA”) MMC Azərbaycanda mühəndislik sahəsində lider şirkətlərdən biridir.  Liderlik iddiamızın arxasında, bu yola başladığımız 10 illik mühəndislik təcrübəsi olan ixtisaslaşmış kadrlarımız dayanır. Yarandığımız gündən işimizi səmərəli yerinə yetirərək, özümüzü daim təkmilləşdirərək və verdiyimiz sözlərə əməl edərək mühəndislik sahəsinin müsbət transformasiyası üçün yorulmadan çalışırıq. 

Biz uzun illər fərqli şirkətlər altında fəaliyyət göstərib, çox saylı uğurlara malik peşakər mühəndislərimizlə birlikdə yolumuza “MEBA” olaraq daha sistemləşmiş qaydada davam etmək qərarına gəldik. Bu qərarı verməyimiz faydalı iş əmsalımızı artırmaqla yanaşı, həm də daha geniş ixtisaslaşmış mühəndislik sahələrində inkişaf etməyimizə vəsilə oldu.

Şirkətimiz korporativ idarəetmə, müştəri məmnuniyyəti, davamlılıq və beynəlxalq standartlara uyğun ideallar əsasında çalışır. Fəaliyyət göstərdiyimiz bazarların hər birində rəqabətin universal prinsiplərini əsas götürərək innovativ işlərlə addım-addım böyüməyə üstünlük veririk.

“MEBA” hər zaman böyük miqyaslı layihələr həyata keçirir. Riskləri yaxşı idarə edərək, keyfiyyətli xidmət və məhsul ilə vəd edilən zamanda uğurlu nəticə almaq üçün “MEBA”nı seçməyiniz əsas şərtdir.

Uzunmüddətli təcrübəyə sahib heyət ilə çalışmağımız şirkətimizin müxtəlif növ layihələndirmə işlərindən tutmuş, mühəndis sistemlərinin diaqnostikası və servisi, tikinti quraşdırma, qaz təchizatı, havalandırma, IT xidmətləri, eləcə də laboratoriyaların təşkilinə qədər genişmiqyaslı xidmətlər göstərməyinə imkan yaradıb. 

Şirkətimizi bu sahədə digərlərindən fərqləndirən əsas xüsusiyyətlərdən biri də mühəndislik sahəsində öz sözünü demiş xarici şirkətlərlə birgə əməkdaşlıq lahiyələrinin daha çox olmasıdır. Bu da “MEBA”ya  sifarişçilərə daha yüksək səviyədə xidmət görsətməyə imkan yaradır.